Plantun de Prouvènço

Pèr coumpara dos planto d'encò nostre

Solidago gigantea & Myricaria germanica

Solidago gigantea

Asteraceae Compositae

Noms en français : Verge d'or, Solidage géant.

Descripcioun :
Grando planto renadivo que s'arremarco emé si flour en plumacho jaune proun longo. Li flour coumpausado soun tóuti dóu meme coustat di ramo. Li fueio soun longo, estrecho e simplo. S. canadensis, que se rescontre gaire, a de flour mai pichoto e de fueio bourrihudo.

Usanço :
La bensipouneto-de-la-grosso es uno planto que nous vèn de l'Americo dóu Nord. Es emplegado (flour e fueio) pèr sougna li mau de garganto, lou tussi e la brouchito. Ei peréu vertuouso contro li plago, la fouiro e subretout li problèmo de ren. S'emplego en sirop e tisano.

Port : Grando erbo
Taio : Pancaro entresigna
Fueio : alterno
Tipe bioulougico : Geoufite
Cicle bioulougico : Planto renadivo

Gènre : Solidago
Famiho : Asteraceae
Famiho classico : Compositae

Coulour de la flour : Jauno
Petalo : >6
Ø (o loungour) flour : Pancaro entresigna
Flourido : Printèms - Estiéu

Sòu : Ca
Autour basso e auto : Pancaro entresigna
Aparado : Noun

Liò : Ribiero - Prado umido
Estànci : Mesoumediterran à
Couroulougi : Pancaro entresigna
Ref. sc. : Solidago gigantea Aiton, 1789

Tamarisso(-d'Alemagno)

Myricaria germanica

Tamaricaceae

Noms en français : Myricaire d'Allemagne, Petit Tamaris.

Descripcioun :
La tamarisso-d'Alemagno, dóu gènre Myricaria, trachis dins li limas de ribiero majamen en Mountagno. Li grano podon èstre empourtado mai bas. Douno d'èr à uno pichoto tamarisso, pamens l'enflourejado èi mai longo e pus espèsso emé de flour pu grando. I'a dous cop mai d'estamino que de petalo. Apoundèn que li flour soun bèn mai grosso e lou boursèu peréu (> 7 mm de long).

Usanço :
Coume pèr lis àutri tamarisso, la rusco èi diuretico, astringènto, sudorifico e aperitivo. Li jóuini pousso sarien bono pèr lucha contro lou manco de plaqueto sanguino.